树底可以卧海獭 @Aetherpack@toot.mantyke.icu

写到后面已经昏头了不知道在写什么但是摸完了，还有一些内容没写进去，但字数实在太多了，等下一次吧我要去写同人了

以及虽然叫这个题目，但是里面还包含fsn感想（等一下

https://naturaleki.one/post/2024-aug-27th/

伍健伟陈词部分内容：

法官阁下，我喺 1995 年出世，自从 1997 年以来，香港涉及社会运动而被检控嘅罪名，经审迅而裁定嘅刑罚，拾级而上愈发严苛，但系及后嘅社会运动，无论参与人数、时间、规模以及激烈程度仍逐步扩大。

我认为，每一场暴动都系人民无被听见嘅声音……高压统治，严刑峻法充其量只能够收一时之效，深层次矛盾必须寻求解决之道，社会先有可能复和迈进，稳定繁荣……

法官阁下，我参与「35＋」民主派初选嘅理由，既有远因亦有近因。
先讲远因，我个人信念相信政府系人民嘅仆人而不是统治者，我相信无人愿意被极权统治……每一个人都希望生活喺一个可以追求梦想、免于恐惧嘅社会……我认为大家应该拥有，亦都值得拥有自由、平等、包容嘅社会，有效维护人权、法治、公义嘅民主制度。
……2019 年系我参选嘅近因……第一，系我对自由被侵蚀嘅恐惧，第二，系对政府傲慢嘅不满，第三，亦都系最重要最令我动容嘅原因，系我对离逝生命嘅沉重悲痛。
……
成为一个代议士，一个香港民意代表，我期许我自己嘅首要责任系为民发声为民请命，我有责任捍卫人民嘅权利同埋佢哋嘅自由，努力争取选民合情合理嘅要求得以实现。即使机会渺茫，即使我个人对建制上寻求改革毫无信心，但我仍然会选择承担风险，寻求打破局面嘅机会……

作为一个政治人物，我期许我要有承担，竭尽我所能，留守到最后一刻，所以我并不后悔，我选择留喺香港，我需要兑现我庄严嘅承诺，同香港人齐上齐落。
……展望将来我作为民意代表嘅任期已经完结，我打算放下政治人物嘅身份，但我仍然希望尽力留喺香港贡献社会，即使我已经预视到困难重重，一如时任终审法官包致金先生所言「There is no reason to leave if things are good, and if things are bad, there are more reason to stay.」

我认为香港人同我，只要抱持自救互助嘅精神，理性嘅思考，行公义、好怜悯、存谦卑的心，记录过去嘅真相，活在真实嘅当下，为未来做好真诚嘅准备，香港嘅未来将会重拾光明，而香港人嘅理想一定会实现。

最后，法官阁下，20 世纪嘅完结，我哋向苏联同纳粹作告别，失去足够制衡嘅权力必然会自我膨胀，绝对嘅权力必然带来绝对嘅腐败。长夜终尽、黎明将至，民主终将再次得胜。

全文：
https://www.instagram.com/p/C_KTarEBUGm/